YES THE BEST 911 BORACAY

Tuesday, January 19, 2016

Police Regional Director Diaz ng PRO-6 nakipagharap sa mga miyembro ng BAG sa Boracay

Posted January 19, 2016
Ni Jay-ar M. Arante, YES FM Boracay

Pormal na humarap kahapon si PCSUPT Bernardo Diaz, Regional Director ng Police Regional Office 6 sa mga miyembro ng Boracay Action Group (BAG) kasama si PSSUPT Alfredo Valdez, Deputy Regional Director for Operation.

Ito’y matapos magpatawag ng meeting si Boracay Action Group Adviser/Consultant Commodore Leonard Tirol na dinaluhan naman ng ibat-ibang organic group sa isla.

Present din sa nasabing meeting si PSINSP Nilo Morallos, Chief ng BTAC, SP01 Christopher Mendoza, PCR PNCO, PINSP Andre Glenn Mangubat ng PNP Maritime Group, LTG Emerson DIAZ ng PCG-Caticlan/Boracay, Boracay Fire Station at Philippine Army-Boracay.

Kasama rin dito ang mga Force Multipliers na kinabibilangan ng (MAP, Tourism Regulatory Enforcement Unit, Kabayan Action Group, Kabalikat Civicom at PCGA-Boracay, Russel Cruz ng Boracay Water Sports Association at Mike Labataiao mula sa LGU-Malay.

Tinalakay naman sa nasabing meeting ang pagpapaigting sa seguridad sa isla ng Boracay lalo na sa area kung saan marami ang mga turista.

Maliban dito, pinasalamatan naman ni PCSUPT Diaz ang BAG dahil sa maaayos na pangangalaga sa seguridad sa Boracay laban sa ibat-ibang kreminalidad.

Sa kabilang banda ibinahagi naman ni Tirol sa Regional Office 6 ang kanilang ginagawang foot patrol kasama ang mga miyembro ng BAG at ang regular seaborne patrolling sa buong isla ng Boracay.

Samantala, sinabi naman ni Morallos na magkakaroon ng iisang frequency ng kanilang mga radyo ang lahat ng miyembro ng BAG upang maging mas mabilis ang operasyon sa pagpapatupad ng seguridad sa isla.

No comments:

Post a Comment