Total Gun Ban Violators sa Aklan, umakyat na sa 45—APPO

Posted May 16, 2016

Ni Inna Carol L. Zambrona, YES FM Boracay

Sa napipintong pagtatapos ng Comelec Gun Ban sa bansa umakyat na ngayon sa 45 ang naitalang record na lumabag sa Comelec Gun Ban Violators sa probinsya ng Aklan.

Ayon kay PO3 Nida Gregas ng Aklan Police Provincial Office (APPO), nasa 45 ang total record ng mga naarestong lumabag sa ipinapatupad na Comelec Gun Ban bago paman mag-umpisa ang eleksyon kung saan 31 bladed at 17 firearms na ang kanilang mga nakumpiska.

Nabatid na ang datos na ito ay nagsimula noong January 10, 2016 hanggang ngayong Mayo kung saan patuloy parin ngayon ang kanilang hanay sa pag-sugpo sa mga lumalabag sa nagpapatuloy na Comelec Gun Ban.

Maliban dito, wala naman umanong naitalang shooting incident ngayong eleksyon sa probinsya kumpara noong 2013 na may record na 9 shooting incident sa kasagsagan ng kampanya sa halalan.

Ang Comelec Gun Ban ay nakatakdang magtapos ngayong Hunyo 8 kung saan nagsimula ito noong Enero 10, 2016.