Campaign expenses ng mga tumakbong kandidato, pinapasumite na ng Comelec

Posted June 2, 2016

Ni Jay-ar M. Arante, YES FM Boracay  

Sa araw na ng Miyerkules Hunyo 8, 2016 ang deadline nang pag-file ng campaign expenses ng mga tumakbong kandidato sa nakaraang eleksyon.

Ito ay base sa inilabas na kumpirmasyon ng Comelec Malay Office sa pamumuno ni Comelec Officer at PIO Chrispin Raymund Gerardo, kung saan dapat umanong mailahad ng mga kandidato ang kanilang ginastos sa pangangampanya noong kasagsagan ng halalan.

Nabatid na ang dapat lamang magastos ng tumakbong kandidato sa pagka-SB member ay tatlong peso sa bawat botante sa kanilang lugar habang gayon din ang sa Vice-mayor at sa Mayor.

Napag-alaman na kung hindi sila nakapag-sumite ng campaign expenses ay maaari silang pagmultahin at pagbawalang tumakbo pa sa susunod na halalan at kung sakali namang lumagpas ang mga ito sa kanilang ginastos ay maaari silang maharap sa mga penalidad ng Comelec o kaya ay ang pagka-uwi sa pagka-diskwalipika.