Wednesday, April 15, 2015

Road Beautification at Widening Project sa Aklan, minamadali na

Posted April 15, 2015
Ni Gloria Villas, YES FM Boracay

Image result for road widening in aklanNagkukumahog na ngayon ang pamahalaang probinsyal ng Aklan na tapusin ang road beautification and widening project upang maihabol sa APEC Ministerial Meeting.

Ayon kay Aklan Provincial Administrator Atty. Selwyn Ibarreta, nais umano ng probinsya na maging maganda at malinis ang madadaanan ng mga delegado para sa APEC Summit Ministerial meeting sa Boracay ngayong darating na Mayo.

Anya, nagpapasalamat din ito sa pagsusumikap ng Department of Public Works and Highways (DPWH) at Department of Tourism (DOT) na agad na matapos ang proyekto.

Samantala, nabatid na naglaan ang gobyerno ng 500 thousand pesos na budget para sa DOT Highway beautification project sa Aklan upang mapaganda ang kalsada mula Kalibo International Airport papuntang Caticlan at ruta ng Malay.

Kaugnay nito, hiniling din sa pamamagitan ng isang resolusyon ni SP Member Roberto Garcia, Jr. na kailangan ang pagkakaroon ng sapat na mga warning signage’s sa national highway mula sa bayan ng Altavas papuntang Malay, lalo na sa mga bahaging sumasailalim sa road widening project.

Inaasahan din kasi na kapag natapos na ang nasabing proyekto ay magiging madali na sa mga residente ang pagbiyahe o maging sa mga local tourist na gustong pumunta sa isla ng Boracay.

No comments:

Post a Comment