Thursday, April 16, 2015

DSWD Aklan, ‘no comment’ muna tungkol sa mga reklamo sa Emergency Shelter Assistance

Posted April 16, 2015
Ni Gloria Villas, YES FM Boracay

Image result for DSWDTumanggi munang magbigay ng pahayag ang Department of Social Welfare and Development Office (DSWD) kaugnay sa mga reklamo sa Emergency Shelter Assistance.

Sa pakikipagpanayam ng himpilang ito sa tanggapan ng DSWD Aklan, tumanggi munang magbigay ng pahayag ang mga staff doon sapagka’t si DSWD Department Head Evangelina Gallega lamang umano ang maaaring sumagot dito.

Kaugnay nito, sinubukan ding kunan ng pahayag si Gallega subalit nananatili pa rin umano itong abala sa iba pang mga programa ng DSWD.

Samantala, nabatid na nitong ika-8 ng Abril ay nagkaroon ng kilos protesta ang iba’t-ibang mga raliyista sa Aklan dahil sa di umano’y mga iregularidad sa pamamahagi ng tulong.

Dagdag pa rito binabatikos din ng mga ito ang Memorandum Circular No. 24 ng gobyerno, kung saan sinasabing ito ang batayan na sinusunod DSWD sa pagbibigay ng financial assistance.

Ayon kasi kay Bagong Alyansang Makabayan-Aklan coordinator George Calaor.

Pinipili umano ng DSWD ang kanilang binibigyan ng pinansyal na tulong at mga pabahay gayong lahat naman umano ay napinsala nang dumaan ang bagyong Yolanda sa probinsya.

No comments:

Post a Comment