Posted June 20, 2014
Ni Gloria Villas, YES FM Boracay
Kalaboso ang inabot ng isang lasing na security
guard matapos na mambato ng bote sa isag bar sa Balabag Boracay.
Subali’t nabatid na may tao palang tinamaan at
nasugatan sa pambabato ng sekyu.
Nakilala sa police report ang suspek na si Angelo
Solano, 30 anyos ng Yapak Boracay, na kaagad dinakip at isinuko ng may-ari ng
bar at ng isa pang sekyu.
Ayon sa pagsisiyasat ng mga pulis, alas dyes kagabi
nang batuhin ng suspek ang pader ng bar doon sa hindi malamang rason, at tinamaan
sa ulo ang 23 anyos na si Mark Joseph Madrino.
Bumanda naman sa isang bar ang nasabing botelya
dahilan upang mabasag ang salamin nitong bintana.
Isang 32 anyos na babae rin sa loob ng bar ang
aksidenteng natapunan ng mga bubog ng bote na ikinasugat naman nito.
Samantala, nahaharap naman ngayon sa kasong
Physical Injury at Malicious Mischief ang lasing na suspek.
No comments:
Post a Comment