BAG, plano na ring magpatayo ng Siren system sa Boracay

Posted March 16, 2015

Ni Gloria Villas, YES FM Boracay

Upang mas maging handa na tumugon sa mga hindi inaasahang kalamidad sa isla ng Boracay.

Nasa plano na rin umano ngayon ng Boracay Action Group (BAG) na magkaroon ng Siren system sa isla.

Ayon kay BAG Adviser/Consultant Leonard Tirol, naisama na rin umano ito sa kanilang mga plano kaugnay ng Disaster Preparedness subalit naka-depende pa rin ang pagsasakatuparan nito sa budget ng LGU Malay.

Samantala, ang Siren system ay karaniwang ginagamit upang maagang e-alerto ang komunidad kapag mayroong mga emerhensya sa panahon ng kalamidad tulad ng baha, lindol, sunog, bagyo at iba pa.

Mayroon naman itong kulay na pula, dilaw at berde na tumutukoy sa alarm level.