Monday, January 04, 2016

(UPDATE) Tatlong sunog na naitala sa Boracay nitong Enero 2 iniimbestigahan parin

Posted January 4, 2016
Ni Inna Carol L. Zambrona, YES FM Boracay

Photo Credit Ui-han Villanueva
Patuloy parin ang ginagawang embistigasyon ng Bureau of Fire Protection Unit (BFPU) Boracay sa naganap na tatlong sunog nitong Enero 2, 2016 sa Balabag, Boracay, Malay, Aklan.

Ayon kay FO3 Cirilo Jeroche III ng BFP Boracay, naganap umano ang unang sunog sa second floor ng isang restaurant sa D’mall alas-7:48 ng gabi kung saan idiniklara naman itong fire-out alas- 8:10 ng kaparehong araw.


Sinabi ni Jeroche na nagsimula ang sunog sa labasan ng usok nito kung saan umabot lamang sa tinatayang P1, 000 ang halaga ng gamit na natupok.

Maliban dito naganap naman ang pangalawang sunog sa station 1 Balabag alas- 10:45 ng gabi kung saan nasunog rito ang mga nakatambak na punong kahoy.

Makalipas naman ang isang oras naganap naman ang pangatlong sunog sa mainroad Balabag kung saan nabagsakan ng punong kahoy ang kable ng kuryente alas 11:45 na nagkaroon ng kunting pag-apoy sa lugar na agad namang naapula ng mga rumesponding bombero.

Samantala, wala namang nasaktan sa nanyaring sunog dahil sa mabilis na naagapan ng mga rumesponding otoridad ang mga nasabing insidente.

No comments:

Post a Comment