Posted June 23, 2014
Ni Gloria Villas, YES FM Boracay
Takot at pangamba ang nag-utos sa isang lalaki sa
Boracay na sumugod sa Boracay PNP station kagabi.
Binantaan at tinakot umano kasi ito na babarilin
habang bumibili ng kandila.
Kuwento ng nagrereklamong si Ritchie Venus ng
Hambil Romblon sa mga pulis, mag-a-alas onse kagabi nang nilapitan sya ng suspek
na kinilalang si “Bembol” at umano’y kumuha ng baril at nilagyan ng bala sa
kanyang harapan.
Dagdag pa ng biktima na nagbanta din umano ang
nasabing suspek na papatayin ito at nagpakawala pa ng ilang mga hindi
magagandang salita.
Samantala, hindi naman natukoy ng biktima kung
anong klaseng baril ang dala-dala ng suspek at minarapat nalang nitong idulog
sa Boracay PNP ang nasabing kaso.
Hindi rin nito naikuwento sa mga pulis kung ano ang
naging dahilan ng suspek kung bakit ito nagalit sa kanya.
No comments:
Post a Comment