Saturday, May 07, 2016

Turista sa Boracay, nag-reklamo matapos pagnakawan habang naliligo

Posted May 7, 2016
Ni Inna Carol L. Zambrona, YES FM Boracay

Image result for theftNanlumo ang turistang nagsumbong sa Boracay PNP matapos itong pagnakawan habang naliligo sa dagat sa Station 1 Balabag, Boracay.

Nakilala ang turista na si Gideon Kylo Yulip 29-anyos at temporaryong nakatira sa nasabing lugar.  

Sumbong ng biktima sa Boracay PNP, iniwan niya umano sa dalampasigan ang kanyang gamit para maligo ngunit makalipas ng ilang minuto ay nadiskubrehan nalang nito na nawawala na ang kanyang water proof pouch na nag-lalaman ito ng wallet, ID, dalawang cellphone at cash na P5,000.

Nabatid na sinubukan pa umanong hanapin ng biktima ang kanyang gamit ngunit bigo niya rin itong makita.

Samantala sa ginawang follow-up investigation ng mga pulis, napag-alaman na menor de-edad ang sangkot sa nasabing nakawan kung saan sa ngayon ay hindi pa ito matunton ng mga kapulisan.

No comments:

Post a Comment