Marquez, inilabas ang sama ng loob sa naganap na Pili-Aklan Political Forum

Posted May 2, 2016

Ni Inna Carol L. Zambrona, YES FM Boracay

Ikinagulat ng kanyang mga dating kasamahan sa pulitika ang pagpalabas ng sama ng loob ni Former Governor Carlito Marquez sa ginanap na Pili-Aklan Political Forum sa ABL Sports Complex Capitol, Building noong Sabado kung saan tumatakbo ito bilang Congressman.

Ito’y makaraang pinatutsadahan niya ang dating kasamahan na si Sangguniang Panlalawigan Rodson Mayor na ngayon ay nasa kampo na ng kanyang katunggali na si Congressman Ted Haresco.

Nabatid na may limang panel mula sa iba’t-ibang sektor ang nasabing debate na may “Pabor o hindi Pabor” at “Tanong ng Bayan segment para sa mga katanungan na sasagutin ng mga kandidato.

Subalit, sa closing statement ay dito na hindi napigilan ni Marquez na maglabas ng sama loob at paringgan ang mga dating kakampi.

Dito ay sinabi ni Marquez na hindi niya makakalimutan ang ginawa sa kanya ng ito ay nilaglag at binigyan umano ng pekeng endorsement ng noo’y Kasangga Partylist Representative Ted Haresco at mga kaalyado sa pulitika.

Pero, sa kabila nito ay nagtapos naman ang naturang Political Furom ng maayos at may malawak na pagka-kaintindihan sa kabila ng samut-saring pasaring ng dalawang grupo.