Thursday, March 17, 2016

Arabian National, nag-reklamo matapos hamunin ng away sa loob ng bar

Posted March 17, 2016
Ni Inna Carol L. Zambrona, YES FM Boracay

Nag-reklamo ang isang Arabian national sa Boracay PNP matapos itong hamunin ng away ng isang grupo ng kalalakihan sa loob ng bar sa Brgy. Balabag, Boracay kaninang madaling araw.

Nakilala ang nagrereklamong turista na si Abdulaziz Hunaidan 20-anyos ng Abu, Bakr Algeria, Nseem at nanunuluyan sa isang hotel sa nasabing Brgy.

Sumbong nito sa mga pulis, sumasayaw umano siya sa loob ng bar ng bigla siyang lapitan ng hindi nakilalang lalaki na tila my hindi magandang ikinikilos at nang-hahamon ng away.

Dahil dito, nagdesisyon nalang umano ang biktima na umalis sa bar dahil sa patuloy na pagsunod sa kanya ng mga suspek hanggang sa kanyang tinutuluyang hotel.

Kaugnay nito, tinangka umano siyang suntukin ng mga ito pero agad din siyang nakaiwas at hindi na niya  umano ito pinatulan.

Samantala hindi naman nito natukoy ang pagkakalilanlan ng mga suspek na agad tumakas matapos ng paghahamon ng away sa nasabing turista.

No comments:

Post a Comment