Monday, February 29, 2016

Simbahang Katoliko sa Boracay mahigpit ang pagtutol sa operasyon ng Casino sa isla

Posted February 29, 2016
Ni Jay-ar M. Arante, YES FM Boracay

Image result for casinoMahigpit ang ginagawang pagtutol ng Boracay Holy Rosary Parish Church sa nalalapit umanong operasyon ng Casino sa isla ng Boracay ngayong Marso.

Ito ang pahayag ni Rev. Fr. Cesar Echegaray sa himpilang ito, matapos nilang makumpirma na inaprobahan na umano ng LGU Malay ang pag-operate ng isang Casino sa loob ng isang malaking hotel sa station 3 Boracay.

Dahil dito, nakatakda umanong magsagawa ng rally ang mga taga simbahan bilang pagtutol sa pagpasok ng naturang illegal gambling sa isla kabilang na ang pagpapakalat ng signature campaign para pigilan ang naturang operasyon.

Maliban dito, isinama na rin ang panawagang ito sa mga ginaganap na misa sa isla para bigyang kaalaman ang mga tao tungkol sa sinasabi ng simbahan na sumisira sa moralidad ng mga tao sa Boracay.

Samantala, nanawagan naman ang naturang simbahan sa nagka-interes sa pagpapatayo ng Casino sa Boracay na wala umano silang karapatan para guluhin ang kanilang katahimikan, moralidad at pamilya dahil hindi umano nila gusto mga pera ng mga ito.

Lumabas ang isyu sa Casino, pagkatapos ng paglahad ni  Bishop Tala-oc sa ginawang Peace Covenant sa bayan ng Kalibo noong nakaraang Pebrero 26.

PS: this news item is supported WITH Voice Clip of Father Echegaray last February 27, 2016.

No comments:

Post a Comment