Bangkay ng isang matandang babae, nakita sa baybayin ng Numancia

Posted February 29, 2016

Ni Inna Carol L. Zambrona, YES FM Boracay

Isang matandang babae ang nakita sa dalampasigan ng Brgy. Camanci, Norte, Numancia dakong alas 7:00 ng umaga kanina.

Base sa inisyal na report ng Numancia PNP, ito ay nakita ito ni Jeofrey Sivestre na residente rin ng nasabing lugar kung saan agad din nitong ipinag-bigay alam sa mga residente sa Brgy.

Nabatid na walang nakakakilala sa nasabing biktimang babae na tinatayang nasa edade 70-anyos at nakasuot ng putting pang-itaas at bulaklaking bistida na kulay blue.

Sa ngayon, ay inaalam pa ng mga pulis kung saan nagmula ang naturang biktima sa mga kalapit na bayan o probinsya.

Samantala, ang labi ng biktima ay nakahimlay ngayon sa isang punerarya sa bayan ng Numancia habang wala pang kumikilala rito.