YES THE BEST 911 BORACAY

Monday, March 23, 2015

Pakikipagdayalogo ng BTAC sa mga contractors and builders sa Boracay, inihahanda na

Posted March 21, 2015
Ni Gloria Villas, YES FM Boracay

Image result for meetingNaghahanda na ngayon ang Boracay PNP Station na makipagdayologo sa mga contractors and builders sa Boracay.

Ito’y kaugnay sa mga construction workers sa isla na karaniwang nasasangkot sa iba’t-ibang mga krimen at tila naging suki na ng blotter report ng mga pulis.

Ayon kay Boracay PNP OIC PSInsp. Frensy Andrade, kailangang may polisiya ang mga contractors at builders para sa kanilang mga trabahador, lalo na sa mga lumalabas sa kanilang barracks sa gabi at nakikipag-inuman na kadalasang nauuwi sa kriminalidad.

Anya, mahigpit nila ngayon na tinututukan ang isyung ito sapagkat isa ang Boracay sa mga dinadagsa ng mga turista lalo na’t papalapit na ang bakasyon o summer.

Kasabay nito, muling pinayuhan ni Andrade ang mga construction workers na itabi ang kanilang kita para sa kanilang pamilya sa halip na ubusin lamang sa alak.

Samantala, base sa pagtala ng Boracay PNP Station karaniwang nasasangkot ang ilang mga construction workers sa mga kaso ng pagnanakaw, pambubugbog, pananaksak at alarming scandal.

No comments:

Post a Comment