Friday, March 27, 2015

Ilang establisemyentong apektado ng road easement sa Boracay, mistulang nalalabuan sa implementasyon

Posted March 27, 2015
Ni Bert Dalida YES, FM Boracay

Image result for unclearMistulang nalalabuan ngayon ang ilang establisemyento sa Boracay sa estado ng road easement sa isla.

Partikular dito ang mga establisemyentong may violation sa road easement.

Base kasi sa impormasyong nakalap ng himpilang ito.

May mga establisemyentong nagpahayag ng compliance o kusang magdi-demolish ng kanilang istraktura matapos ang ibinigay na notices, habang may iba namang marami parin ang katanungan tungkol sa pinanghahawakan nilang dokumento.

Kaugnay nito, payo naman ni Boracay Redevelopment Task Force (BRTF) Secretary Mabel Bacani na isumite ang kanilang mga dokumento sa Zoning Department ng Malay para sa nararapat na disposisyon.

Samantala, sinabi pa ni Bacani na may mga establisemyento ding may mga violations subali’t binigyan umano sila ng 30 days upang maayos ito.

Minomonitor din umano ito ng BRTF kung kaya’t maaaring ma-revoke sakaling hindi nila ito nasunod.

Mas maigi rin umanong huwag nang hintayin pa ng mga nasabing resort at establisemyento na matapos ang ibinigay sa kanilang notice.

No comments:

Post a Comment