Saturday, July 16, 2016

Boarding house ng Therapist, nilooban ng magnanakaw

Posted July 16, 2016
Ni Inna Carol L. Zambrona, YES FM Boracay

Image result for theftNagpasaklolo sa mga pulis ang isang 27-anyos na lalaking Therapist matapos looban ng magnanakaw ang kanyang kwarto sa inuupahang boarding house sa Sitio Bolabog, Brgy. Balabag, Boracay.

Salaysay ng biktima na si Rodrigo Balauro sa Boracay PNP, laking gulat nalang umano nito sa pagbukas niya ng kanyang kwarto ay naka-kalat na ang kanyang mga gamit kung saan sa pag-check nito dito ay nawawala na ang kanyang cash na P8,000.

Dahil dito, agad na ini-report ng biktima sa mga pulis ang nangyaring insidente at sa pag-imbestiga nga ng Boracay PNP sa lugar, dito nadiskubreng bahagyang may sira na ang gawa sa light materials na pader ng kwarto ng biktima.

Sa ngayon, ay pinayuhan ito ng imbestigador ng Boracay PNP na ayusin ang nasirang pader ng kwarto at mabuting palagyan ng CCTV ang kanilang boarding house.

No comments:

Post a Comment