3 sa 17 bayan sa Aklan na sinalanta ng bagyong Yolanda, nabigyan na ng financial assistance - DSWD

Posted March 10, 2015

Ni Gloria Villas, YES FM Boracay

Tatlo mula sa 17 bayan sa Aklan na sinalanta ng bagyong Yolanda ang nabigyan na ng financial assistance.

Ayon kay Provincial Social Welfare & Development Office Department Head Evangelina Gallega.

Kabilang na umano rito ang bayan ng Kalibo, kung saan mga partially damage pa lamang ang nabigyan, totally sa Libacao habang partially at totally naman sa New Washington.

Anya, ang nasabing halaga ay binubuo ng financial grant at mga donasyon, mula sa gobyerno ng Pilipinas at ibinibigay naman sa mga lokal na pamahalaan na syang magbibigay ng cash sa mga nasalanta.

Samantala, humiling naman ng pag-unawa si Gallega sa publiko kung bakit may kabagalan ang pagbibigay sa iba pang bayan dahil sa inaantay pa umano itong i-download sa opisina ng ingat yaman.

Kaugnay nito, nabatid naman na sang-ayon sa Kagawaran ng Pananalapi, halos 53 porsiyento ng P199.49 bilyon ang nagugol na sa iba-ibang nga programa, gawain at proyekto sa mga pook na sinalanta ng Yolanda sa Pilipinas.