Posted February 15, 2016
Ni Jay-ar M. Arante, YES FM Boracay
Na-install na
ngayon ang mga turn style machine sa Caticlan Jetty Port para sa area na dadaan
ng mga Aklanon residents at workers sa isla ng Boracay.
Ayon kay Special
Operation III Jean Pontero ng Caticlan Administration, nailagay na umano ngayon
ang mga nasabing machine ngunit hindi pa ito nasisimulang e-operate.
Bago umano
gumamit nito ay kailangang ipakita ng mga dadaan kung sila ay Aklanon residents
o manggawa sa isla saka sila bibigyan ng gate pass o ticket na may bar code na
siya namang susuriin ng machine.
Layun umano ng
paglalagay nito ay para maiwasan ang mga manloloko na ayaw magbayad ng Terminal
at Environmental Fee sa tuwing magbabakasyon sa Boracay kung saan nagpapanggap
ang mga itong residente ng Aklan.
Samantala,
pinayuhan naman ni Pontero ang mga residente at mga nag-tratrabaho sa Boracay
na kailangan nilang dalhin palagi ang kanilang I.D tuwing dadaaan sa port upang
hindi sila masita ng mga nagbabantay.
No comments:
Post a Comment