PSA Aklan, makiki-isa sa Civil Registration Month celebration

Posted February 16, 2016

Ni Jay-ar M. Arante, YES FM Boracay

Bilang pagtalima sa kauutusan ay nakatakda ngayon ang Civil Registry Law at Philippine Statistics Authority, Aklan Provincial Office na magdidiwang ng Registration Month Civil sa taong ito na may temang “Makiisa… Makisali sa Dekadang CRVS.”

Ayon kay Antonet Catubuan, OIC-Provincial Statistics Officer, ang naturang selebrasyon ay may kaugnayan sa global advocacy sa paghikayat sa lahat na magrehistro at e-promote ang awareness sa importansya ng civil registration sa buhay ng bawat Filipino.

Sinabi din nito na ang civil registration at vital statistics (CRVS) ay nagsisilbing batayan para sa pagbabalangkas ng mga programa sa kalusugan, population projection at mga gawain katulad ng policy-making ng pamahalaan para sa panlipunan at pang-ekonomiyang paglago.

Ang naturang month-long celebration ay isa ring paalala sa mga magulang, records clerk, midwives, traditional “hilot” at iba pang informant na ang registration ay isang compulsory at ito ang pangunahing responsibilidad para makapagbigay ng tama impormasyon sa panahon ng registration para maiwasan ang maling entry civil registry documents.