Tuesday, November 17, 2015

Philippine Coast Guard aminadong kailangang ayusin ang sitsema sa Caticlan Jetty Port

Posted November 17, 2015
Ni Alan Palma Sr., YES FM Boracay

Image result for caticlan jetty portKasunod ng samu’t-saring reklamo at haba ng pila na nararanasan ng mga mananakay sa Caticlan Jetty Port, aminado ngayon ang Philippine Coast Guard na hindi pa organisado ang sistemang ipanapatupad sa nasabing pantalan.

Ayon sa bagong Detachment Commander ng PCG-Caticlan na si Lieutenant Junior Grade Edison Diaz, batid nito ang perwisyong dulot ng mahabang pila at siksikan ng mga pasahero.

Sa isang panayam, nakipagpulong umano ito sa CBTMPC at Jetty Port offcials kasunod ng implementasyon na dapat lahat ng pasahero o mananakay ay dapat naka-manifesto at nakasuot ng life jacket bago ito payagan na pumalaot.

Bagamat naging dahilan ito ng mahabang pila na minsan ay umaabot ng halos isang oras,  ayon kay Diaz mas mahalaga pa rin ang kapakanan ng mga pasahero lalo na kapag may mga hindi inaasahang aksidente sa dagat.

Anya, tourist destination ang Boracay at nararapat na ipatupad ang dapat ipatupad para makita ng mga dayuhan na tayo ay seryoso para sa maayos na seguridad at serbisyo.

Pinayuhan naman nito ang riding public na mas agahan na lang ang paghahanda kung ang mga ito ay tatawid ng isla.

Sa ngayon, balak ni Diaz na makipag-dayalogo sa mga kapitan ng banka at kooperatiba para ipaalalang muli ang responsibilidad ng mga ito lalo sa pasahero at magbibigay suhistyon kung paano mapabilis ang operasyon ng mga ito.

No comments:

Post a Comment