Wednesday, November 18, 2015

Out of School Youth sa Malay at Boracay hinikayat sa ALS Program

Posted November 18, 2015
Ni Inna Carol L. Zambrona, YES FM Boracay

Image result for alternative learning systemHinihikayat ngayon ang Out of School Youth na nasa edad 15-anyos hanggang 30-anyos sa Malay at isla ng Boracay na pasukin at subukan ang Alternative Learning System (ALS) Program.

Ayon kay Learning Facilitator Wilfredo Baon ng Abot Alam House, ang programa umano ng ALS ay para maturuan ang mga hindi nakapagtapos ng pag-aaral, partikular sa elementarya at sekondarya.

Sinabi nito na nais nilang makatulong sa Out of School Youth na nawalan ng interest na mag-aral dahil sa problema sa pinansyal.

Samantala, napag-alaman na kung sino man ang sakaling makapasa na estudyante sa kanilang ibibigay na exam o acceleration test ay mabibigyan ng oportunidad na makapag-aral sa ilalim ng Technical Education and Skills Development Authority (TESDA).

Kaugnay nito maaari namang mag-enroll ang mga interisdado sa pamamagitan ng pag-text sa numerong 0939-267-6334 o 0916-991-55-59.

No comments:

Post a Comment