Tuesday, November 17, 2015

Mga pulis, inalerto ng APPO ngayong Holiday Season

sted November 17, 2015
Ni Jay-ar M. Arante, YES FM Boracay



Ilang araw nalang ay sasapit na ang pasko at ang bagong taon, kung kayat inalerto na ngayon ng Aklan Police Provincial Office (APPO) ang buong hanay ng kapulisan sa probinsya.

Sa mandato ni Aklan Police Provincial Office Director, Police Senior Superintendent Iver Apellido, sinabi nito na kailangan ng paigtingin ng mga pulis ang kanilang seguridad sa kanila-kanilang mga area.

Maliban dito pinatitiyak din ni Appellido ang seguridad sa mga lugar na dadagsain ng maraming tao katulad ng shooping malls, parke at mga tourist spot sa probinsya.

Kabilang sa pinaigting ni Appellido pagdating sa seguridad ay ang isla ng Boracay mga pantalan at mga bus terminal dahil sa inasahang pagdagsa ng mga taong uuwi sa kani-kanilang mga lugar.

Kaugnay nito ipinakansila naman ng hepe ang leave ng lahat ng mga pulis ngayong holiday season para matutukan ang seguridad na kanilang gagawin hanggang sa pagpasok ng bagong taon.

Samantala, tulad ng nakagawian taon-taon, nag-paalala muli si Appellido na maging maingat at maging vigilante sa tuwing sila ay lalabas ng kanilang mga tahanan dahil maaari umanong magsilabasan din ang mga taong may masasamang pakay ngayong panahon ng kapaskuhan.

No comments:

Post a Comment