YES THE BEST 911 BORACAY

Wednesday, July 01, 2015

Kalibo International Airport pasok sa top 12 bilang World’s most efficient airport

Posted July 1, 2015
Ni Jay-ar M. Arante, YES FM Boracay

Pasok sa top 12 bilang World’s most efficient airport ang Kalibo International Airport (KIA).

Ito ay base sa source at pag-aaral ng ACI Annual Report 2013 sa mahigit isang libong airport sa buong mundo na may annual aircraft movements ng over atms sa 2013.

Dito napabilang ang Kalibo International Airport sa Pilipinas sa rank number 8 at may average na 211.0 habang nakuha naman ng Hong Kong (HKG) ang rank number 1 na may total average na 264.5.

Pumapangalawa naman rito ang Tokyo (NRT) Airport sa Japan na may average namang 248.5, pangatlo ang Dubai (DXB) na may average na 245.4, ika-apat ang Incheon (ICN) sa Korea na may 242. 2, pang-lima ang Taipei (TPE) na may 239.0 average, ika-anim ang Davao (DVO) na may 222. 2 at Bangkok (BKK) na 211. 2 sa ika-pitong puwesto.

Nasa ika-siyam na puwesto naman ang Singapore (SIN) na may 209. 3, ika-sampu ang Shanghai (PVG) na may average na 206.0, ika-11 ang Sacramento CA (SMF) na may average na 199.0 at ang ika-12 ay ang Memphis TN (MEM) na nakakuha ng average na 197.9.

Nabatid na ang mga nasabing paliparan ay masasabing may magagandang serbisyo para sa mga pasahero gayon din ang kagandahan ng pasilidad at maayos ang pamamalakad.

No comments:

Post a Comment