Monday, June 29, 2015

273 pamilya kabuuang bilang ng mga apektado ng sunog sa Talipapa Boracay

Posted June 29, 2015
Ni Jay-ar M. Arante, YES FM Boracay 

Umabot umano sa dalawang daan at pitumput tatlong pamilya ang apektado ng nangyaring sunog sa Talipapa bukid Boracay nitong nakaraang Miyerkules Hunyo 17.

Ito ang sinabi ni Social Welfare Aid Rachel Bangkaya ng Municipal Welfare Development Office ng LGU Malay, aniya, ito ang kanilang naitala matapos ang sunog hanggang nitong nakaraang Lunes kung saan umabot naman umano sa isang libo at dalawang daan at labin isa ang apektadong indibidwal.

Karamihan din umano sa mga ito ay empleyado ng mga resort at hotel sa Boracay na walang naisalbang gamit sa malagim na sunog na nangyari sa Talipapa Bukid.

Sinabi pa ni Bangkaya na mayroon parin talagang mga indibidwal na biktima ng sunog ang hindi nakapagpalista sa kanilang tanggapan kung kayat inaasahan nilang mas mataas pa sa 1,211 ang mga biktima nito.

No comments:

Post a Comment