Saturday, May 02, 2015

Seguridad sa Caticlan Jetty Port, pinaigting dahil sa pagdagsa ng maraming pasahero

Posted May 2, 2015
Ni Jay-ar M. Arante, YES FM Boracay

Image result for caticlan jetty portDoble-doble ngayon ang ginagawang seguridad sa Caticlan Jetty Port dahil sa sobrang dami ng pasahero na papuntang isla ng Boracay.

Mismong si Jetty Port Administrator Niven Maquirang ang siyang nag-iikot sa buong pantalan para makita ang sitwasyon ng nasabing lugar.

Nabatid na ilang araw ng nararanasan ang mahabang pila ng mga turista sa Caticlan Jetty Port para sa kanilang bakasyon sa Boracay.

Dahil dito hinigpitan naman ni Maquirang ang seguridad sa lahat ng daraanan ng mga pasahero kung saan may itinilaga rin sila K-9 Dog Unit sa loob mismo ng Jetty Port para sa kapakanan ng mga pasahero.

Todo aletro rin ang Philippine Coastguard (PCG) Caticlan sa pagbabantay sa mga sasakyang pandagat lalo na sa mga pampasaherong bangka at Ro-Ro Vessel.

Napag-alaman na kahapon ay narasanan ang matinding haba ng pila sa pantalan ng Cagban at Caticlan dahil sa ubusan ng mga bangka gayon din ng mga tricycle na may biyaheng Boracay dahil sa sobrang dami ng pasahero.

No comments:

Post a Comment