Posted January 8, 2015
Ni Bert Dalida YES FM Boracay
Hindi umano isang hostage taking ang nangyari sa Caticlan
Jetty Port nitong Martes ng gabi.
Ayon kay Aklan Police Provincial Office (APPO) officer-in
charge Senior Superintendent Iver Apellido, may problema lamang sa pag-iisip at
nagwala ang suspek na si Diodelson Billona, 30 anyos ng Montalban Rizal taliwas
sa mga lumabas na impormasyong nanghostage ito sa limang taong gulang na bata
doon.
Ayon kasi kay Apelido, dapat may demand o hinihingi ang
suspek kapalit ng kalayaan ng kanyang hino-hostage.
Samantala, nabatid mula sa Malay PNP na dinala na kahapon
sa Kalibo Prosecutor’s Office si Billiona para sa inquest proceedings.
Magugunitang nangyari ang insidente nitong nakaraang
Martes ng gabi kung saan sinasabing sinakal ng suspek ang limang taong gulang
na bata.
Nabatid na taga Binguan Iloilo ang pamilya ng bata na
dadalo sana sa birthday ng kamag-anak sa Boracay.
No comments:
Post a Comment