Kusinero ng isang resto-bar sa Manoc-manoc binaril

Posted October 14, 2014

Ni Gloria Villas, YES FM Boracay

Isang kusinero ang binaril sa loob mismo ng pinagtatrabahuang resto-bar sa Barangay Manoc-manoc Boracay.

Kaagad isinugod sa ospital ang biktimang si Edward Mamay, 22 anyos ng Aranas, Balete, Aklan matapos itong barilin sa ulo ng hindi nakilalang suspek.

Ayon sa report ng Boracay PNP, umawat lamang ang biktima sa nangyaring komosyon na kinasangkutan ng kanilang security guard.

Subalit isang lalaki umano ang lumapit sa kanya at binaril ito sa ulo.

Kaagad namang tumakas ang suspek matapos ang pamamaril.