Ibat-ibang organisasyon sa isla ng Boracay, masayang nakibahagi sa bloodletting activity ng PRC Boracay- Malay Chapter

Posted July 29, 2014

Ni Gloria Villas, YES FM Boracay

Masayang nakibahagi ang nasa 84 na mga successful blood donors sa isinagawang bloodletting activity kaninang hapon.

Ang nasabing aktibidad ay proyekto ng Philippine Red Cross (PRC) sa pakikipagtulungan ng Boracay Island Water Company (BIWC), Panay Andoks, YES FM Boracay at Easy Rock Boracay upang matulungan ang mga nanay na nangangailangan ng dugo.

Ito’y kaugnay parin sa pagdriwang ng Blood donors Month ngayong buwan ng Hulyo, kung saan may tema itong “Safe Blood for Saving Mothers”.

Ilan lamang sa mga nagpakuha ng dugo ay ang mga pre-screened donors mula sa  LGU, Malay, PNP, Coastguard, Yes FM at Easy Rock Boracay at BIWC .

Samantala, patuloy naman na nagpapasalamat ang Red Cross sa walang humpay na suporta ng iba’t-ibang mga organisasyon para tumulong sa kapwa.