Ni Jay-ar M. Arante, YES FM Boracay
Maaaring higpitan ng LGU Malay at ng life guard Boracay
ang operasyon ng reef walker o helmet diving sa isla ng Boracay.
Ito’y matapos mapag-alaman na tatlo sa sampung
nagkakaroon ng helmet diving activity sa isla ay hindi sinusunod ang
ordinansang ipinalabas ng LGU Malay.
Ayon kay Boracay Life Guard Supervisor Miguel “Mike” Labatiao,
sadyang mayroong mga pasaway na nasasagawa ng nasabing aktibidad sa hindi
tamang lugar kung kayat kadalasang nasisira ang mga corals dahil sa angkla ng
kanilang bangkang ginagamit sa helmet diving activity.
Sa ngayon umano ay iisang bangka nalang ang kanilang
pinapayagang gamitin para sa lahat ng
helmet diving activity sa Boracay para maiwasan ang anumang disgrasya at
pagkasira ng mga korales.
Sa kabilang banda nasa second-reading na ngayon ng SB
Malay ang operasyon na nag-aamyenda sa reef walker o helmet diving sa Boracay.
Ito’y makaraang talakayin sa Session ang nasabing
problema dahil sa hindi pagsunod sa itinalagang area ng operasyon para dito at
nag-uutos na bigyan ng parusa ang lalabag sa Municipal Ordinance No. 314,
series of 2012.
wow...really??
ReplyDeleteang kaibigan ko po my video at litrato ng association balsa kung saan nka angkla ang platform nila sa mga coral reefs sa ilalim ng tubig, so huwag po silang mag sabi ng mga maling pagbibintang sa 3 companya ng HELMET DIVING. sumusunod naman po yung 3 company sa tinatawag na ordinance, Pero mukhang na mmersonal sila..pinapahirapan nilang mag renew ng mayor's permit yung 3 Company ng helmet dive, Dahil matitigas dw ang mga ulo nito at marami pa silang dahilan! pati ang mayor ng malay ay dinadawit pa nila..