Mga Organizer sa papalapit na LaBoracay, pina-alalahanan sa mga basura

Posted March 22, 2017

Ni Inna Carol L. Zambrona, YES FM Boracay

Pina-alalahanan ni Executive Assistant for Solid Waste Management Otic Macavinta ang mga organizer ng events at mga aktibidad sa nalalapit na LaBoracay.

Sinabi nito, na dapat  ng measurement o set-up plan ang mga organizer bago maglatag ng kanilang party events para sa mas organisadong pagsasagawa nito.

Iminungkahi rin ni Macavinta na dapat maging malinis ang kanilang pagliligpit ng basura ng mga dadalo kung saan dapat magkaroon ang mga organizers ng information dissemination.

Alinsunod sa mga nagdaang event ng LaBoracay, kailangan lang sumunod ng mga event organizer sa mga rules and regulation maging sa ordinansa para hindi sila mabigyan ng anumang penalidad.

Anya, maging responsable at magbigay respeto ang mga nagbabalak na magsagawa ng event sa isla dahil na rin sa dami ng kinakaharap na problema ng Boracay lalo na sa isyu sa kalikasan.