YES THE BEST 911 BORACAY

Wednesday, December 14, 2016

Former Aklan Congressman Allen Quimpo, pumanaw na

Posted December 14, 2016
Ni Danita Jean A. Pelayo, YES FM Boracay 

Kinumpirma ng pamilya Quimpo na pumanaw na sa edad na 71- anyos ang dating Kalibo Mayor, dating Aklan Lone District Representative at Presidente ng Northwestern Visayan Colleges Congressman na si Atty. Allen Quimpo.

Napag-alamang ito ay binawian ng buhay bandang alas- dos ng madaling-araw dahil sa karamdaman na Pancreatic Cancer kung saan nasa stage 4 na umano ito.

Si Quimpo ay nagsilbing Alkalde sa Bayan ng Kalibo sa loob ng siyam na taon at nahalal din bilang Congressman ng Aklan kung saan natapos din ng huli ang kanyang tatlong termino.

Bago ang kanyang pagpanaw, nanunungkulan si Quimpo bilang Presidente ng Northwestern Visayan Colleges o NVC sa bayan ng Kalibo.

Ikino-konsidera ring isang environmentalist si Quimpo dahil sa adbokasiya nitong protektahan ang kapaligiran kung saan siya ang chairman ng Kalibo Save the Mangrove Association (KASAMA).

Ikinalungkot naman ng mga Kalibonhon at mga Aklanon lalo na ng mga malapit sa kanya ang malungkot na balita ngayong araw.

No comments:

Post a Comment