Wednesday, September 16, 2015

Ilang residente sa Caticlan, nakatakdang mag-rally ngayong araw laban sa Caticlan Airport

Posted September 16, 2015
Ni Jay-ar M. Arante, YES FM Boracay

Ngayong araw simula alas-7 ng umaga hanggang alas-5 ng hapon ay nakatakda umanong mag-noise barrage protest ang ilang residente sa Caticlan Malay.

Ito’y laban sa pamunuan ng Caticlan Airport dahil sa kanilang ginagawang expansion project ng nasabing paliparan.

Nabatid na ilang residente o land owners ang apektado ng nasabing proyekto kabilang na rito ang paaralan at pagamutan.

Pangungunahan naman ng grupong No To Boracay Airport ang nasabing protesta bilang paraan umano nila na ipaglaban ang kanilang mga nasasakupang lupain na apektado ng expansion project.

Ang expansion project ay ginagawa para gawing International Airport ang kasalukuyang paliparan na inaasahang matatapos sa taong 2018.

No comments:

Post a Comment