Tuesday, July 21, 2015

Engineering Office ng Malay may program of works na sa binabahang kalsada sa Boracay

Posted July 21, 2015
Ni Jay-ar M. Arante, YES FM Boracay

Image result for baha sa ambulong boracay
www.boracaystories
May program of works na umano ang Engineering Office ng Malay tungkol sa binabahang kalsada sa Boracay partikular sa Ambulong Manoc-manoc Station 3.

Ito ang sinabi ni Head Engineer Azur Gelito ng Boracay Redevelopment Task Force (BRTF), matapos na ilang residente sa isla ang nagpaabot ng pagkadismaya sa palagiang pagbaha sa nasabing lugar kahit na walang ulan.

Ayon pa kay Gelito isa sa kanilang tinitingnang dahilan kung bakit binabaha ang nasabing kalsada ay posibleng galing umano sa mga tubo ng mga establisyemento sa lugar na ilegal na nagkokonekta papuntang kalsada.

Nabatid naman na walang drainage system sa nasabing area kung kayat ilang araw pa bago humupa ang tubig baha na kung minsan ay pinasisipsipan nalang para mawala ang tubig.

Samantala, isa rin sa ikinadidismaya ng mga residente at motoristang dumadaan sa lugar ay dahil sa napakaruming tubig at masangsang na amoy nito.

No comments:

Post a Comment