Magsasaka, nagbaril-patay sa sarili

Posted November 11, 2016

Ni Inna Carol L. Zambrona, YES FM Boracay

Inaalam pa ngayon ng mga kapulisan sa Libacao PNP station kung ano ang motibo ng isang magsasaka sa kanyang pagbaril-patay sa sarili sa Brgy. Agmailig, Libacao, Aklan.

Kinilala ang biktima na si Ernani Santiago, 32-anyos nakatira sa naturang lugar.

Ayon sa spot report ng Libacao PNP, galing umano sa birthday party ang biktima ng mangyari ang insidente.

Nabatid na nagbaril sa kanyang ulo ang biktima kung saan narekober naman sa lugar ang .22 magnum revolver na baril.

Patuloy naman ang ginagawang imbestigasyon ng mga otoridad sa motibo ng pagpapakamatay ng biktima.