YES THE BEST 911 BORACAY

Thursday, May 12, 2016

Session ng SB Malay balik na sa normal ngayong Martes

Posted May 12, 2016
Ni Jay-ar M. Arante, YES FM Boracay

Image result for SB SESSIONMatapos ang ilang linggong pamamahinga ng mga SB members sa Session na kumandidato sa bayan ng Malay sa naganap na halalan ay magbabalik na ito sa normal ngayong Martes.

Ito ang naging pahayag ng Sangguniang Bayan ng Malay Office sa kakatapos lamang na eleksyon nitong Lunes Mayo 9, 2016.

Sa Mayo 17 ay muling magkikita ang mga SB members kasama ang mga hindi pinalad nitong eleksyon at ang matatapos na sa kanilang termino.

Nabatid na dalawang linggong walang session ang SB Malay bago ang nasabing halalan para mabigyang daan ang mga ito sa pangangampanya.

Dahil dito inaasahang mapag-uusapang muli ang mga nakabinbing usapain para sa nasabing bayan gayundin ang pamamaalam ng mga hindi pinalad na muling maluklok sa pwesto.

Samantala, sa pagbabago ng pamahalaan ngayong Hunyo ay iba na ang uupong Mayor sa Malay gayundin sa pagka Vice-mayor habang sa konseho naman ay bubuuin ito ng walong konsehales kung saan tatlo sa mga ito ay baguhan at ang isa ay nagbabalik at ang apat naman ay muling na elect.

No comments:

Post a Comment