YES THE BEST 911 BORACAY

Friday, May 13, 2016

Kabuuang bilang ng mga bomoto noong eleksyon sa Malay umabot sa mahigit 28 libo

Posted May 13, 2016
Ni Jay-ar M. Arante, YES FM Boracay

Image by. www.akoayPilipino
Nasa kabuuang 28, 268 lamang na mga botante sa bayan ng Malay ang nakaboto nitong May 9 national and local election.

Ito ay base sa record ng Commission on Election (Comelec) Malay.

Nabatid na sa 33,813 na registered voters sa nasabing bayan ay tanging 28, 268 lamang ang mga nakabotong botante kung saan halos umabot sa limang libong mga botante rito ang hindi nakapagboto noong nakaraang eleksyon.

Maliban dito ang Voters' turnout ay umabot naman sa 83.60% habang ang Valid ballots ay 28, 268 at 0 naman ang Rejected ballot.

Lumalabas na ilan sa mga hindi nakaboto ay yaong mga namatay na at ang iba naman ay walang pagkakataon na makalabas sa trabaho kagaya ng mga manggagawa sa mga hotel sa isla ng Boracay.

Samantala, ang bayan ng Malay parin ang pangalawa sa may pinakamaraming naka-rehistrong botante sa buong probinsya ng Aklan.

No comments:

Post a Comment