Posted April 14, 2016
Ni Jay-ar M. Arante, YES FM Boracay
| Image by rappler.com |
Isa ang isla ng Boracay sa probinsya ng Aklan sa
bibisitahin ng tumatakbong kandidato sa pagka-pangulo na si Mayor Rodrigo
Duterte ngayong Abril 20, 2016.
Ito ay base sa anunsyo na inilabas ng #DUTERTEcampaignTeam
sa pangunguna ni Atty. Joseph Encabo, kung saan nakatakdang dumating si
Duterte bandang alas-12 ng tanghali sakay sa isang helicopter sa Boracay.
Dito nakatakdang magsagawa ng kanyang motorcade sa
Boracay si Duterte na susundan naman ng pagdalo nito sa isang convention ng Caritas
health.
Pagkatapos nito ay agad na tutungo sa bayan ng Kalibo si
Duterte kung saan magkakaroon siya ng courtesy visit kay Aklan Bishop Corazon
Talaoc sa Bishops palace at didiritso naman sa Pastrana Park.
Nabatid na ito ang kauna-unahang pagbisita ni Duterte sa
Aklan para hingin ang tulong ng mga Aklanon kasabay ng pag-endorso ng kanyang
partidong PDP-LABAN.
No comments:
Post a Comment