Wednesday, March 04, 2015

Problema at reklamo sa mooring area sa station 3, nakarating na sa BIHA

Posted March 4, 2015
Ni Bert Dalida YES FM Boracay

Image result for Boracay Island Hopping AssociationNakarating na sa BIHA o Boracay Island Hopping Association ang problema at reklamo kaugnay sa mooring area sa station 3.

Katunayan, sinabi ni BIHA Chairman Rigoberto Gelito Jr. na pinag-usapan na rin ang bagay sa isang pulong-talakayan.

Magugunitang ipinarating ng ilang establisemyento at resort sa himpilang ito ang hinaing nila ang sa mooring area o daungan sa station 3 dahil sila ang napagbubuntunan ng inis ng kanilang mga guest.

Masikip na umano kasi ang lugar at hindi na ang mga ito makapag-swimming dahil sa mga nakaparadang mga bangka.

Magugunita namang ipinaalala ng MAP o Municipal Auxiliary Police Boracay ang paglalagay ng mga boya o palutang sa dagat na magsisilbing hangganan ng mga bangka at swimming area.

No comments:

Post a Comment