Monday, March 02, 2015

AFP, BFP, PNP at PCG, nagsagawa ng APEC 2015 Security Meeting

Posted February 28, 2015
Ni Gloria Villas, YES FM Boracay

Upang matiyak ang seguridad sa gaganaping APEC Senior Officer Meeting and Ministerial Meeting sa Boracay.

Hindi tumitigil ang pamahalaan sa pagpaplano ng mga hakbang para masiguro ang kaligtasan ng publiko lalo na yaong mga dadalo sa APEC Senior Officer Meeting and Ministerial Meeting na isa sa mga malalaking aktibidad na gaganapin sa bansa.

Kaugnay nito, nagsagawa ng APEC 2015 Security Meeting ang mga security forces ng bansa na kinabibilangan ng Armed Forces of the Philippines (AFP) Philippine Army, Philippine National Police (PNP), Bureau of Fire and Protection (BFP) at Philippine Coast Guard (PCG).

Sa Boracay, pinangunahan mismo ni Brig. Gen. Francisco Pantrimonio, Asst. Chief ng 3rd Infantry Division ang nasabing pagpupulong.

Samantala, dinaluhan din ito nina Police Inspector Alfonso Manoba, Chief of Admin/HRDD Sections ng Boracay PNP Station at Police Office 3 Conrado Espino, Jr. OPN PNCO; at iba pang mga kasapi ng Philippine Army, PNP, BFP, Coast Guard at iba pang force multipliers sa isla.

Gaganapin naman ang APEC Senior Officer Meeting and Ministerial Meeting sa Boracay sa darating na Mayo 15-24 nitong taon.

No comments:

Post a Comment