Tuesday, May 23, 2017

BLTMPC, hiniling ang kooperasyon ng mga Operator at Driver

Posted May 23, 2017
Ni Inna Carol L. Zambrona, YES FM Boracay

Aminado ngayon ang BLTMPC na sakit pa rin sa ulo nila ang mga pasaway na driver na kadalasang ini-rereklamo ng mga pasahero sa Boracay.

Sa panayam kay BLTMPC Operation Manager John Pineda, ang ugali ng mga driver pa rin ang siyang puno’t-dulo ng lahat ng sumbong na minsan ay umaabot pa sa social media dahil sa mga hindi magandang karanasan ng mga pasahero sa kalsada.

Pangunahing reklamo pa rin anya ang overpricing at pag-tanggi sa mga pasahero, walang masakyan dahil puro chartered ang biyahe at pagpili ng pasaherong isasakay.

Mariin namang paalala nito sa mga pasahero na kung may reklamo ay kunin ang body number at idulog agad sa kanilang opisina upang kanilang maaksyunan at panagutin ang mga pasaway na drayber.

Image may contain: 3 people, people standing and indoorMalaki rin anya ang tungkulin ng mga operator lalo na sa pagpili ng mag-mamanaheho ng kanilang unit dahil sila ang higit na nakaka-alam sa katauhan ng kanilang driver.

Pagnagkataon, pwedeng bawiin ang  at parehong ma-suspinde ang driver at operator kapag tumanggap ang mga ito ng reklamo.

Aniya, sa mga hindi nakaka-alam ang tamang pamasahe sa traysikel  simula Cagban ay P20.00 subalit pag-lumagpas na ito sa 24/7 at P25.00 habang sa mga Charter naman ay P120 ang tamang singil simula Cagban hanggang Station 1.

Kaya sa mga naniningil ng sobra, may 15 days na suspension bilang penalidad sa sinumang mahuli .

Kaugnay nito, nakatakda silang magsagawa nang pagpupulong kasama ang mga driver at operators kung ano ang kanilang susunod na hakbang para i-indorso kay BLTMPC Chairman Joel Gelito.

Samantala, paalala pa rin ng BLTMPC na patuloy na maging vigilante at ugaliing alamin ang body number ng sinakyan at ang driver na nagmamaneho ng unit bago sumampa.

No comments:

Post a Comment