Posted June 12, 2014
Ni Bert Dalida YES FM Boracay
Umaasa umano ang BPAI o Boracay Photographers Association
Inc. na susuportahan sila ng iba’t-ibang asosasyon sa isla.
Kaugnay ito sa MOA o Memorandum of Agreement na gaganapin
sana kahapon sa kanilang pakikipag-pulong sa mga taga Korean-Chinese-Taiwan
Tour Agency na ipinatawag ng BRTF o Boracay Redevelopment Task Force.
Ayon kay BPAI President Ernesto Cruz, umaasa silang hindi
na kukuha ng hindi lehitimong photographers ang nasabing agency sa Boracay.
Umaasa din umano sila ng kasiguraduhan o assurance
kaugnay sa inaabangan nilang MOA.
Samantala, nabatid na hindi pa rin nalalagdaan ang MOA, dahil
kailangan pang pag-aralan ng mga asosasyong kasama sa MOA signing ang nilalaman
ng kasunduan.
Kasama sa pagpupulong kahapon ang mga barangay kapitan at
kinatawan ng tatlong barangay sa isla, DOT, BFI, DILG, MAP, MALTOA at iba pa.
No comments:
Post a Comment