Uniform Tents para sa mga Sea sports out post sa Boracay, pag-uusapan ngayong araw

Ni Bert Dalida, YES FM Boracay

Pag-uusapan na ngayong araw ang uniform tents para sa mga sea sports operators sa isla ng Boracay.

Ito ang sinabi ni Boracay Sea Sports Association Vice President Russel Cruz, kaugnay sa pag-reregulate nila ng kanilang mga tent sa beach front.

Aniya, pag-uusapan dito kung anong sukat ng tent at ang lugar o puwesto nila sa vegetation area para maging uniform silang lahat.

Ito umano ay para ma-regulate o maisaayos ang kanilang mga pwesto para maging malinis ang beach front ng Boracay.

Sinabi pa nito na dati ay pakalat-kalat lang sila kung kaya’t nasasalaula ang kagandahan ng beach front.

Samantala, pati umano ang ibang Associations beach front kagaya ng sa kanila ay makikipag-coordinate na rin kabilang na ang helmet diving associations kasama na ang Boracay Island Hopping Association o BIHA.

Kasama rin nila mamaya sa pagpupulong ang mga taga Boaracay PNP at Municipal Auxiliary Police o MAP.