Driver ng E-Trike sa Boracay na naging viral sa social media dahil sa paniningil ng mahal, pa-iimbestigahan

Posted June 3, 2016

Ni Jay-ar M. Arante, YES FM Boracay

Viral ngayon sa social media ang isang driver ng isang kumpanya ng Electric Tricycle (E-trike) sa isla ng Boracay.

Ito’y matapos kuhaan siya ng litrato kasama na ang kanyang minamanehong sasakyan ng pasaherong kanya umanong siningil ng mahal na pamasahe.

Sa 19^th Regular SB Session ng Malay nitong Martes, ibinahagi ni SB member Floribar Bautista ang naturang isyu sa pagitan ng driver at ng turistang pasahero.

Ayon kay Bautista sinisingil umano ang nasabing pasahero ng 100 pesos mula sa D’Mall area hanggang sa Boracay Regency na parehong sa station 2 at ilang metro lamang ang pagitan.

Dahil dito inaalam na ngayon ng SB Malay kung sino ang operator ng nasabing sasakyan para malaman kung sino rin ang naturang driver na nakatakdang imbitahan sa Session para pagpaliwanagin.

Samantala, nagsagawa naman ng magkahiwalay na imbestigasyon ang Malay Transportation Office (MTO) kung saan sinabi ni MTO Officer Cesar Oczon na aminado umano ang driver na naningil siya ng mahal ngunit hindi naman umano sumakay sa kanya ang pasahero.

Kaugnay nito muling bubuksan ng konseho ang usapin sa paulit-ulit na problema sa mga driver ng tricycle at e-trike sa Boracay sa pangunguna ng Municipal Transportation Franchising Regulatory Board (MTFRB) dahil na rin sa nasabing insidente.

Dalawang lalaking nakuhaan ng kutsilyo, arestado

Posted June 3, 2016

Ni Inna Carol L. Zambrona, YES FM Boracay

Kulong ngayon ang dalawang lalaki sa lock-up-cell ng Malay PNP matapos itong mahulihan ng kutsilyo sa Brgy. Caticlan,Malay, Aklan kanina ng madaling araw.

Ayon sa blotter report ng mga pulis, ini-reklamo ng dalawang biktima na sina Juanito Babiera 47-anyos at Jeramel Trinnidad 28-anyos ang dalawang suspek na si Elves James Ambito 26-anyos at Junell Dalmacio kapwa parehong nakatira sa nasabing Brgy.

Base sa report, papauwi na umano ang dalawang suspek sa kanilang bahay galing sa inuman ng madaanan nila itong sinasabing construction worker at hinahamun umano sila ng away.

Ngunit, ng inawat naman ng mga biktima ang dalawang suspek ay ikinagalit naman nila ito at mabilis na bumunot ng kutsilyo at sinaksak sa biktima kung saan mabilis namang naka-iwas ang mga ito at daplis lang ang natamong sugat.

Nabatid na malapit sa lugar ang pinangyarihan ng insidente kung saan doon din nanggaling ang dalawang suspek sa pinag-iinuman ng dalawang biktimang umawat.

Sa kasamaang palad ay hindi natuloy ang pananaksak pa ng mga suspek na mabilis namang ni-respundihan ng mga tanod sa lugar at dinala ang mga ito sa Malay PNP.

Sa ngayon, nahaharap ang dalawang suspek sa dalawang kasong Attemted Homicide at paglabag sa Comelec Gun Ban.

TIEZA, makikipagkita kay Governor Miraflores para sa MOA signing ngayong araw

Posted June 3, 2016

Ni Jay-ar M. Arante, YES FM Boracay

Makikipagkita ngayong araw ang Tourism Infrastructure and Enterprise Zone Authority (TIEZA) kay Aklan Governor Florencio Miraflores.

Ito’y para sa signing ng Memorandum of Agreement (MOA) sa pagitan ng TIEZA at ng Aklan Province para sa phase 2 ng drainage project sa isla ng Boracay.

Kaugnay nito inaasahan naman ang pagdalo ng ibat-ibang mga stakeholders mula sa isla kabilang na ang Boracay Foundation Inc. at Boracay Island Water Company (BIWC).

Nabatid na dadaluhan mismo ni TIEZA Chief Operating Officer Atty. Guiller Asido ang naturang MOA Signing na gaganapin sa Aklan Provincial Capitol sa Kalibo, Aklan.

Ilang personalidad at malalaking kumpanya sa bansa pinarangalan sa PSTD 3rd Gawad Maestro Award sa Boracay

Posted June 3, 2016

Ni Jay-ar M. Arante, YES FM Boracay

Sa kauna-unahang pagkakataon ay ginanap sa isla ng Boracay ang prestihiyusong event na PSTD 3^rd Gawad Maestro Award.

Limang parangal para sa limang kategorya ang nabigyan ng pagkilala hindi lamang indibidwal kundi pati na ang mga kilala at malalaking kumpanya at negosyo sa bansa.

Dito tinanghal na Outstanding Learning & Development Professional ang napakabatang si Mr. Rowell Mariano ng Bounty Agro., habang nakuha naman ni Eileen David Reyes ng Security Bank ang Outstanding L&D Manager.

Maliban dito nanalo naman sa kategoryang Outstanding L&D Organizational Champion si ang PJ Lhuillier ng habang sa Outstanding L&D Program of the Year ay napanalunan ito ng dalawang kumpanyang Maynilad 8 key steps to service excellence at BBX-Better Banking Xperience SBC (Security Bank Academy).

Samantala, nakuha naman ngayong taon ni Ginoong Victor Magdaraog ng Development Dimension International (DDI) ang Outstanding L&D Leader Extraordinaire.

Nabatid na layunin ng Philippine Society for Training and Development (PSTD) ay ang magbigay ng Training Program sa mga Human Resource (HR), Professional, Practitioner, Trainers at iba pa.

Ang PSTD 3^rd Gawad Maestro Award ay ginanap kagabi sa Henann Regency Hotel sa station 2 Boracay kung saan ito ay dalawang araw na aktibidad tampok rito ang ginawang PSTD Uncovention at ang Learning Marketplace A at B kasama na Expo opening.

PSTD Unconvention 2016, ginanap sa isla ng Boracay

Posted June 3, 2016

Ni Jay-ar M. Arante, YES FM Boracay

Mahigit dalawang daang indibidwal mula sa ibat-ibang agencies sa bansa ang dumalo sa PSTD Unconvention 2016 na ginanap sa Henann Regency Hotel sa isla ng Boracay kaninang umaga.

Ito ay para magbahagi ng mga kaalaman at pag-unlad para suportahan at ihanda ang mga talent o isang mangagawa para sa kanyang kinabukasan.

Kasama na rito ang pagbibigay ng isang  plataporma para sa pakikipagpalitan ng mga ideya, at mga bagong kasanayan at hanay ng mga bagay-bagay at mga solusyon sa disenyo, delivery, pagpapatupad at pagsusuri ng L&D program.

Dahil dito, limang speakers mula sa ibat-ibang kumpanya sa bansa ang dumalo sa nasabing Unconvention at nagbigay ng kanilang mga ideya kagaya ng LED, adopted learning at productive learning na tinalakay ni Ramon Segismundo, 2014 PMAP People of the year at HR Head ng MERALCO.

Isa rin si Karen Cariss sa nagbigay naman ng kanyang ideya tungkol naman sa global perspective at emerging global talent, supply and demand, talent performance at work performance, sumunod naman rito si Henry Aguda kung saan tinalakay naman nito ang Digital Transformation, employment, development in business transformation.

Kasama din sa nagbigay ng kanyang kaalaman ay si Benedict Hernandez, Managing Director ng Accenture Philippines kung saan ang tinalakay naman nito ay tungkol sa Jobs investment, economic hub at ang tungkol sa BPO. 

Samantala, pinakahuli namang nagsalita rito ay si Teacher Georcelle ng G-Force kung saan ibinahagi nito ang kanyang pagiging mentor sa kanyang mga dancer sa loob ng labin isang taon at kung gaano naging successful ang kanyang grupo sa kanyang pamamalakad.

Ang PSTD Uncovention 2016 ay nasa ika-51^st year na ngayong taon kung saan ito ang kauna-unahan nilang Uncon sa isla ng Boracay.