Mga paaralan sa Malay sasabak sa Drum, Lyre and Bugle Contest ngayong araw

Posted April 30, 2015

Ni Jay-ar M. Arante, YES FM Boracay

Sasabak ngayong araw ang mga paaralan sa bayan ng Malay sa gaganaping 2^nd Drum, Lyre and Bugle competition ng DepEd Malay.

Ito ay bahagi ng selebrasyon sa kapastihan ng Malay Municipal/Parochial Fiesta bukas Mayo 1 na tinawag namang “Fiesta De Obreros”.

Kasali rito ang mga estudyante mula sa elementarya at sekondarya kung saan ang mananalo dito ay tatanggap ng mahigit sa sampung libong peso.

Nabatid na layunin ng kompitisyong ito na maipamalas ng mga estudyante ang kanilang galing sa Drum, Lyre and Bugle.

Samantala, bukas na rin gaganapin ang inaabangang 12^th Fiesta De Obreros street and ground presentation na kinatatampukan naman ng lahat ng brgy., sa bayan ng Malay kung saan paglalabanan din ng mga ito ang mahigit sa limampung libong pesong premyo.

Mga turista dagsa na para sa inaabangan LaBoracay ngayong Labor Day

Posted April 30, 2015

Ni Jay-ar M. Arante, YES FM Boracay

Inaabangan na ng mga turista sa isla ang tinatawag na LaBoracay kasabay ng pagdiriwang ng Labor Day ngayong unang araw sa buwan ng Mayo.

Katunayan dagsa na ang mga local tourist sa isla para sa nasabing event na ikalawang taon palang isinasagawa sa Boracay.

Nabatid na ang LaBoracay ay nagmula sa bansag ng mga turista matapos na sunod-sunod ang isinagawag beach party noong nakaraang taon kung saan ito ay handog ng mga malalaking negosyo sa bansa katulad ng mga alak kasama na ang mga sikat na artista.

Samantala, dahil sa inaasahang dagsa ng libo-libong tao ngayong mga susunod na araw todo handa naman sa kanilang gagawing seguridad ang Boracay PNP katuwang ang ibang mga otoridad sa isla.

Maliban dito nakikiusap naman ang Boracay Foundation Incorporation (BFI) sa mga beach goers at makikisayasa sa LaBoracay na kung maaari ay iwasan ang pagkakalat ng basura sa dalampasigan lalo na ang pag-iwan bote ng alak na nakakasira sa puting buhangin ng isla.

Mga delivery truck sa Boracay hindi muna pinayagang magbibiyahe tuwing araw

Posted April 30, 2015

Ni Jay-ar M. Arante, YES FM Boracay

Dahil sa nalalapit na ang APEC ministerial meeting sa Boracay hindi muna papayagang maka-pagbiyahe ang mga delivery truck tuwing araw.

Ayon kay Malay Transportation Officer Cezar Oczon, ito umano ay ipinatupad nila kasabay ng re-routing ng mga sasakyan sa isla upang maiwasan ang nararanasang trapiko sa Boracay tuwing araw.

Sinabi nito na ang pagbiyahe lamang ng malalaking sasakyan mula sa station 3 ay kailangan lamang magsimula ng hating gabi hanggang ala-singko ng madaling araw.

Hindi naman nito tiniyak kung hanggang kaylan ito ipapatupad ng kanilang tanggapan at ng Lokal na Pamahalaan ng Malay.

Nabatid na nagsimula na kamakailan ang ginawang re-routing ng transportation office para sa mga sasakyang sa Boracay bilang paghahanda sa APEC Meeting ngayong Mayo.

Pasyente sa isang pribadong ospital sa Kalibo, tumakas dahil sa hindi mabayarang bill

Posted April 30, 2015

Ni Gloria Villas, YES FM Boracay

Nakatakdang sampahan ng kaso ng pamunuan ng St. Gabriel Hospital sa Kalibo ang isa sa kanilang mga naging pasyente na naglaho na parang bula para takasan umano ang kanyang bill.

Nadiskubre na lamang kahapon ng mgta nars ng nasabing ospital na wala na sa kanyang kwarto ang pasyenteng si Raffy Marequin, 35-anyos na residente ng Brgy. Balabag, Boracay.

Napag-alaman na na-confine si Marequin noong nakaraang Huwebes, Abril 23 taong kasalukuyan.

Naniniwala ang pamunuan ng ospital na gustong takasan ng nasabing pasyente ang kanyang bill na umabot sa P25,000 kaya’t bigla na lamang itong naglaho.

Top Tax Payers sa Aklan, bibigyang parangal ng BIR

Posted April 30, 2015

Ni Gloria Villas, YES FM Boracay

Ang mga sumusunod sa alituntunin ay nararapat lang na parangalan.

Ito ang mangyayari sa mga top tax payers o mga nangungunang individual at corporate taxpayers sa Aklan.

Muli kasing paparangalan ng Bureau of Internal Revenue (BIR) ang mga ito bilang pasasalamat sa kanilang pagbabayad ng tama at napapanahong buwis.

Ayon kay BIR Tax Payers Service Section Chief Jisella Robillo, napag-uusapan na ito ng kanilang ahensya subalit wala pang itinakdang panahon kung kailan ito gaganapin.

Katunayan anya, nabanggit na ito ng kanilang Revenue District Officer at inaantay na lamang ang iba pang mga gagawin para muling maisakatuparan.