Monday, November 21, 2016

Bagong garbage truck ng solid waste, dumating na!

Posted November 21, 2016
Ni Inna Carol L. Zambrona, YES FM Boracay

Image result for dump truckNai-deliver na ang bagong Dump Truck ng Solid Waste sa Boracay nitong nakaraang linggo.

Ayon kay Malay Engr. Arnold Solano ng Solid Waste Management, malaki ang kanyangpasasalamat dahil dumating na ang kanilang pinakahihintay na dump truck o garbage truck na gagamitin para sa paghahakot ng basura sa isla ng Boracay.

Kung matatandaan, labis na naging problema ang paghahakot ng basura sa isla kung saan pintawag pa ito sa SB Session  at tinanong kung ano na ang kanilang aksyon dito.


Nag-ugat ang obserbasyon dahil sa dinadaan ng mga residente ang kanilang saloobin sa social media lalo na sa facebook.

Nabatid na anim na garbage truck at dalawang pay loader ang binili ng LGU-Malay kung saan apat na garbage truck at isang pay loader ang ginagamit dito sa isla at dalawang garbage truck at isang pay loader naman sa Malay.


Sa kasalukuyan, nagbi-bidding na umano sila para sa maghahakot ng basura subalit meron pa silang ginagawang proposal para sa hauling ng basura araw-araw na dadalhin sa landfill ng Malay.

No comments:

Post a Comment