YES THE BEST 911 BORACAY

Saturday, December 20, 2014

PCG Boracay handa na sa pagdagsa ng mga turista para sa paparating na pasko

Posted December 20, 2014
Ni Gloria Villas, YES FM Boracay

Ilang araw na lang ay Pasko na.

Kaya naman naghahanda narin ngayon ang Philippine Coast Guard (PCG) Boracay Sub-Station sa maaaring pagdagsa ng mga turista sa isla ng Boracay.

Ayon kay Coastguard Boracay Sub-station Commander Senior Chief Petty Officer Ronnie Hiponia, maliban sa mga magbabantay na Coast Guard sa baybayin ay may mga naka-standby din na syang aalalay sa mga  turista lalo na sa mga mag-a- island hopping.

Nakaantabay parin aniya ang mga coast guard sa beach line para sa sitwasyon at mabigyan ng babala ang mga turistang naliligo sa Front Beach.

Samantala, ayon naman sa kay Coastguard Caticlan Commander Chief Petty Officer Arnel Sulla, nagkakaroon na din sila ng security patrol sa Cagban Port at Manoc-Manoc Area para bantayan ang mga sea sports activities.

Muli namang nagpaalala ang Coast Guard sa mga sasakay ng motor bangka na magsuot ng life jacket.

Pinapayuhan din ang mga bakasyunista na huwag maligong mag-isa sa dagat, tiyakin ang kinaroroonan ng mga life guard para sa agarang assistance, alamin ang kapasidad ng mga motor bangkang sasakyan bago mag-island hopping, at huwag mag-atubiling tumawag sa Coast Guard para humingi ng tulong.

No comments:

Post a Comment