Pagkasira umano ng corals sa Boracay dahil sa Yellow Submarine, itinanggi ni SB Aguirre

Posted January 13, 2016

Ni Jay-ar M. Arante, YES FM Boracay

Itinanggi ngayon ni SB Member Rowen Aguirre ang alegasyon sa umanoy pagkasira ng corals sa isla ng Boracay dahil sa pagdating ng Yellow Submarine sa isla mula sa Cebu.

Ito’y matapos ang privilege speech ni SB member Frolibar Bautista sa SB Session kahapon kung saan sinabi nito na may natanggap umano siyang balita na may area sa Boracay na mayroong corals ang nasira dahil sa nasabing submarino.

Ayon naman kay Aguirre wala umano itong katutuhanan dahil unang-una wala umanong corals sa area kung saan ngayon ang Submarine.

Kaugnay nito, pinabulaan din ni SB member Jupiter Gallenero na siyang chairman ng committee on tourism ang nasabing isyu matapos ang ginawang pagsusuri ng mga marine biologist sa area.

Ngunit sa kabila nito, iginiit pa ni Bautista na kaya umano umalis sa Cebu ang Yellow Submarine ay dahil sa mga balita-balita doon na nasisira nito ang mga coral reefs sa karagatan.

Nabatid na ang Yellow Submarine ay sinasabing mag-ooperate sa Boracay para sa mga turista ngunit wala pa itong signal mula sa Boracay Redevelopment Task Force (BRTF) dahil sa kakulangan pa ng dokumento.

"Zero crime" sa Ati-Atihan target ng Aklan PNP

Posted January 13, 2016

Ni Jay-ar M. Arante, YES FM Boracay

“Zero crime rate”.

Ito ang target ngayon ng Aklan PNP sa kasagsagan ng selebrasyon ng Ati-Atihan Festival sa bayan ng Kalibo na nagsimula nitong Enero 8 at magtatapos sa araw ng Linggo.

Sa isinagawang conference nitong nakaraang araw, ipinag-utos ni Chief Superintendent Bernardo Diaz, director ng Police Regional Office 6 (PRO-6) sa Aklan Police Provincial Office (APPO) na gayahin umano ang taktika sa seguridad ng PNP sa Major Event Security Framework” (MESF) security preparation  sa pakikipagtulungan sa pamahalaan at sa ibang law enforcement agencies.

Nabatid na magtatalaga ng mga karagdagang pulis mula sa ibat-ibang bayan sa Aklan pati na rin sa PRO-6 para sa pagpapatupad ng seguridad sa kapistahan ni Sr. Sto Niño.

Napag-alaman naman na ilalagay ang mga police sa mga pangunahing kalsadahin sa Kalibo, simbahan, mga terminal ng sasakyan, shopping mall at iba pang mga matataong lugar.

Samantala, kabilang din sa pag-tutuunan ng mga pulis ay ang pagbabantay ng trapiko kung saan inaasahang magbubuhol-buhol ito dahil sa dami ng tao kabilang na ang pagbabantay sa mga mapagsamantalang magnanakaw.

Morallos, magtatalaga ng karangdagang 50 police personnel sa Boracay

Posted January 12, 2016

Ni Inna Carol L. Zambrona, YES FM Boracay

Mahigit 50 mga bagong pulis ang itatalaga ngayon sa Boracay Tourist Assistance Center (BTAC) para sa pagdiriwang ng Kalibo Ati-atihan festival.

Ito ang sinabi ng kakaupo palang na Officer In-Charge ng Boracay PNP na si PSI Nilo Morallos.

Sa panayam ng himpilang ito kay Morallos, sinabi nito na isa umano ito sa paraan para mas mapaigting pa ang pagbabantay sa seguridad ng mga turista at residente sa isla.

Maliban dito, mas paiigtingan pa sa pamamagitan ng pakikipag-ugnayan sa ibat-ibang mga ahensya tulad ng Philippine Army, Coast Guard, Boracay Action Group at iba pa.  

Ang nasabing mga pulis ay manggaggaling sa Police Regional Office - PNP Region 6 Iloilo City.

Boracay PNP, may bago ng OIC

Posted January 12, 2016

Ni Jay-ar M. Arante, YES FM Boracay 

Mainit ang ginawang pag-welcome ng mga taga Boracay PNP sa pagbabalik ni PSI Nilo Morallos bilang bagong Officer In-Charge ng Boracay Tourist Assistance Center (BTAC).

Ito’y matapos niyang palitan si PSI Fidel Gentallan na umupo ding OIC ng BTAC sa loob ng ilang buwan na ngayon ay nailipat na sa bayan ng Lezo sa Aklan.

Ayon kay SP01 Christopher Mendoza, PCR PNCO, si Morrallos umano na 29-anyos ay dati ring Chief Investigator ng BTAC noong 2014 at nailipat sa APPO bilang Kalibo Deputy Police at  naging assistant sa Regional Office bago muling ibinalik sa BTAC bilang OIC.

Kaugnay nito, agad namang nanungkulan si Morallos kung saan nagpatawag ito ng kauna-unahang staff conference at pinag-usapan naman ang kanyang mga plano at iba pang inobasyon para sa kapakanan at moral ng Boracay PNP personnel.

Ang pagtalaga kay Morallos at sa iba pang mga bagong Chief of Police sa Aklan ay kasabay rin ng pagtalaga kay Senior Superintendent John Mitchell Jamili bilang bagong OIC ng APPO. 

UAE National, kulong matapos mambastos

Posted January 12, 2016

Ni Inna Carol L. Zambrona, YES FM Boracay

Kulong ang isang United Arab Emirates (UAE) National matapos ireklamo ng pambabastos kaninang madaling araw sa Station 2 Balabag, Boracay.

Sumbong ng biktimang si Merly Evangelista 37-anyos resident eng Brgy. Nazareth Buruanga at temporaryong nakatira sa Sitio Bolabog, Boracay sa Boracay PNP, nilapitan umano siya ng suspek sa may puno ng niyog habang naka-uypo at doon ginawa ang pambabastos.

Ayon sa biktima pinagsabihan siya umano ng suspek na si Amer Ali 28-anyos ng hindi magagandang salita sabay sign ng dirty fingers kung saan hindi pa umano ito nakuntinto at binuhusan pa ng beer ang kanyang ulo.

Mabilis namang nahuli ng mga pulis sa lugar ang suspek at doon ay dinala siya sa himpilan ng mga pulisya at ikinustudiya sa ginawang pambabastos.