Helicopter Tours sa Boracay ipapatawag sa SB Session ng Malay

Posted September 3, 2015

Ni Jay-ar M. Arante, YES FM Boracay

Ipapatawag ng Sangguniang Bayan ng Malay ang Helicopter Tours sa Boracay para sa SB Session ngayong darating na Martes.

Ito ay matapos ang natanggap na reklamo ng LGU Malay mula sa ilang residente at business establishment sa Boracay dahil sa nililikhang ingay ng nasabing helicopter na halos araw-araw ang operasyon at mababa lang ang lipad sa loob mismo ng isla.

Nanguna naman sa pagpapatawag rito si SB Member Leal Gelito na siyang nagpaabot nag-privilege speech na sinang-ayunan din ng local body.

Nabatid na nais ng konseho na malaman kung bakit tuloy-tuloy ang operasyon ng nasabing private helipad kung saan base sa kanilang presentasyon sa SB Malay ay gagamitin lamang ito bilang isang air ambulance at hindi pang commercial.

Napag-alaman din na ilang business owner at Boracay community ang nagpadala ng petisyon letter sa office of the mayor na humihingi ng aksyon sa umanoy napaka-ingay na operasyon ng Helicopter Tours.

Boracay community may-petisyon laban “Helicopter Tours sa Boracay”

Posted September 3, 2015

Ni Jay-ar M. Arante, YES FM Boracay

Natanggap na ng Office of the Mayor ng Malay ang Petition letter ng Boracay community, mga resort at ibang business establishment sa isla laban sa “Helicopter Tours sa Boracay”.

Ito ay naglalaman ng reklamo sa nasabing private helipad kung saan lumilipad din umano ito ng mababa sa loob mismo ng isla at naglilikha ng matinding ingay.

Sa nakaraang SB Session ng Malay pinag-usapan naman ito ng konseho kung saan sa napag-alaman na bago magsimula ang operasyon ng helipad sa Boracay ay nagsagawa muna ito ng presentasyon sa nasabing session na nagsasabi na sila ay mag-ooperate lamang bilang isang air ambulance.

Ayon naman kay SB Member Rowen Aguirre iba ito kumpara sa iprinisinta nila sa SB at dapat din aniyang sa labas sila ng isla mag-operate o kaya ay lumipat nalang umano sila sa airport kung nag-ooperate sila bilang isang commercial.

Samantala, karamihan sa reklamo ng mga residente at resort sa Boracay sa Helicopter Tours ay dahil sa nililikha nitong ingay araw-araw lalo na tuwing umaga.

Provincial Government at tatlong bayan sa Aklan, nakapasa sa 2015 Seal of Good Local Governance ng DILG

Posted September 2, 2015

Ni Jay-ar M. Arante, YES FM Boracay

Pumasa ang Provincial Government kasama ang bayan ng Banga, Ibajay at Malay sa Aklan sa 2015 Seal of Good Local Governance ng Department of Interior and Local Government (DILG).

Ayon kay Malay Local Government Operations Officer (MLGOO) II Mark Delos Reyes, ito umano ay mula sa assessment na isinagawa noong 2014 na siyang basehan para magkaroon sila ng 2015 Seal.

Nabatid na ang Provincial Government ng Aklan at ang tatlong bayan ay nakapasa sa lahat ng core assessment areas na kinabibilangan ng (Good Financial Housekeeping, Social Protection at Disaster Preparedness).

Kabilang din dito ang minor essential assessment areas na (Business-friendliness at Competitiveness, Peace at Order, and Environmental Management) na siyang batayan para ipagkaloob sa kanila ang Seal of Good Local Governance (SGLG) recipient.

Sinabi pa ni Delos Reyes na bilang passers ng SGLG, ang Provincial Government ng Aklan ay karapat-dapat na ma-access ang Performance Challenge Fund (PCF) sa halagang Pitong milyong piso (Php 7,000,000.00) habang ang bayan ng Ibajay, Malay at Banga ay may karapatan ding ma-access ang Tatlong milyong piso (Php 3,000,000.00) bawat isa.

Samantala, nakatakdang gawaran ng pagkilala ang tatlong bayan at ang Provincial Government ng 2015 Seal of Good Local Governance dahil sa kanilang ipinakitang pagkilala sa katapatan at kahusayan ng pamahalaang lokal ngayong buwan ng Setyembre.

E-Trike ng BMAC aprobado sa Sangguniang Bayan ng Malay

Posted September 2, 2015

Ni Jay-ar M. Arante, YES FM Boracay

Isa na namang bagong supplier ng E-trike ang inaasahang papasok sa isla ng Boracay.

Ito’y matapos na aprobahan sa second at final reading ng Sangguniang Bayan ng Malay ang resolusyon na nag-aaproba sa application para sa accreditation bilang E-trike supplier sa Boracay ng B-MAC Electric Transportation Philippine Inc.

Nabatid na sumailalim pa ito sa committee hearing at ilang deliberasyon sa pangunguna ni SB member at Chairman ng Committee on Transportation Leal Gelito bago ang nasabing disisyon.

Napag-alaman na ang 68VM Electric vehicle ay sumailalim na sa maraming beses na testing para masiguro ang tinatawag na high reliability kung saan nakumpleto rin nito ang mga local requirements at ang nasabing unit ay LTO-compliant na kinilala rin financing institution bilang kwalipikado for lien.

Samantala, ang BMAC ang siyang magiging ikatlong supplier ng e-trike sa Boracay kabilang ang Tojo at Gerwise motors na nauna ng nag-operate sa isla na siyang magiging kapalit ng mga tricycle unit na bumibiyahe ngayon sa isla.

Red Cross, balak dagdagan ang mga lifeguard sa Boracay

Posted September 1, 2015

Ni Jay-ar M. Arante, YES FM Boracay

Target ngayon ng Philippine Red Cross Boracay-Malay Chapter na madagdagan ang kanilang dalawamput dalawang lifeguard sa Boracay.

Ayon kay PRC Boracay-Malay Chapter Administrator Marlo Schoenenberger,  ito ay para ma-cover pa ang ibang area sa Boracay kung saan madami ang naliligo katulad ng Puka Beach.

Sa ngayon umano ay salit-salitan ang dalawamput dalawang lifeguard na naka-duty sa station 1 hanggang station 3.

Dahil dito sinabi ni Schoenenberger na nais nilang magkaroon ng 36 na lifeguard sa Boracay para matutukan ang mga naliligo sa dagat.

Samantala, maliban sa pagsagip ng buhay ng mga nalulunod sa Boracay nagsasagawa rin ang lifeguard ng tuloy-tuloy na training sa beach area kabilang na ang pamumulot ng mga bubog sa sa dalampasigan habang nagbabantay sa mga turistang naliligo sa dagat.