DOH nagtayo ng TB Satellite Treatment Center sa probinsya ng Aklan

Posted July 30, 2015

Ni Jay-Ar M. Arante, YES FM Boracay

Hindi na kailangang magtungo pa ang mga Aklanon na may Multi-Drug Resistant (MDR) Tuberculosis sa katabing probinsya ng Capiz para magpagamot.

Ito’y dahil sa nagpatayo na ngayon sa Dr. Rafael S. Tumbokon Memorial Hospital (DRSTMH) ng Satellite Treatment Center at GenXpert Site.

Pinangunahan naman ng Department of Health (DOH) ang launching ng nasabing Satellite Treatment Center sa pakikipagtulungan sa Philippine Business for Social Progress, Provincial Health Office (PHO), Municipal Health Officers (MHOs) at health workers ng 17 bayan sa Aklan.

Ayon naman kay Dr. Paul Macahilas, DRSTMH Chief of Hospital II, nagpapasalamat siya sa ginawang pagpapatayo ng satellite treatment center kung saan ang tuberculosis umano ay isang public health concern sa probinsya ng Aklan.

Samantala, kabilang sa mga dumalo sa ginanap na launching ng Satellite Treatment Center ay si Dr. Edith Gimotea, DOH 6 Regional TB Coordinator kung saan sinabi din nito na ang pagpapatayo ng treatment center ay isang “dream-come-true” para sa DRSTMH.

Kalibo at Davao International Airport kinilala bilang most efficient airport sa buong mundo

Posted July 30, 2015

Ni Jay-ar M.  Arante, YES FM Boracay

Kinilala bilang most efficient airport sa buong mundo ang Kalibo International Airport (KIA) at Davao International Airport sa ika-walo at ika-anim na pwesto.

Ito ay batay sa impormasyon at pahayag ng Hong Kong International Airport (HKIA) kung saan ang HKIA ay nakabuo ng 264.6 puntos ng workload unit.

Ayon naman kay Engineer Martin Terre, chief of the Civil Aviation Authority of the Philippines-Kalibo, isa umano itong inspirasyon kung saan lalo pa umano nilang ipagpapabuti at ipapaunlad ang kanilang serbisyo.

Sa ngayon umano ay tuloy-tuloy ang kanilang ginagawang proyekto at pagpapaganda ng nasabing paliparan kasama na ang expansion ng run-way at ang pagsasaayos ng mga pasilidad para sa dumaraming mga pasahero.

Nabatid na ang KIA ay kinilala bilang mabisa sa mga tuntunin ng aircraft movement at traffic control ng 2013 kung saan sinasabing kaya din nitong makapag-hawak ng air traffic mula sa ibat-ibang bansa sa kabila na medyo may kaliitan ito.

Napag-alaman na ang Kalibo International Airport ay nakapagtala ng 211 points sa ika-walong pwesto habang ang Davao International Airport at nasa ika-anim na may 222.22 points.

Samantala ang ACI ay nag-iisang global trade representatives sa mga airport sa mundo na itinatatag noong 1991 na kumakatawan sa interest sa government at international organization katulad ng International Civil Aviation Organization.

Sadiasa hiniling ang pag-reactivate ng Municipal Cooperative Development Council

Posted July 29, 2015

Ni Alan Palma Sr., YES FM Boracay

Isang panawagan ngayon ang hiniling ni CBTMPC Godofredo Sadiasa sa lokal na pamahalaan ng Malay at ito ay ang muling pagbuhay ng Municipal Cooperative Development Council.

Hiniling ito ni Sadiasa sa harap ng mga opisyales ng Malay kasabay ng isinagawang ground breaking ceremony ng CBTMPC 3-storey commercial building nitong Martes.

Bagamat masaya ito sa paglago ng Caticlan Boracay Multi Purpose Cooperative na siyang pinakamayamang kooperatiba sa bansa, naghihinayang naman ito dahil anya ang ilang kooperatiba sa Malay ay hindi umunlad dahil hindi sapat ang kaalaman sa pagpapalakad nito.

Ang layunin ng Municipal Cooperative Development Council ay para mabigyan ng sapat na suporta at kaalaman ang mga grupo, asosasyon, at kooperatiba sa Malay na ang karamihan ay mula sa mahihirap na pamilya.

Dagdag pa ni Sadiasa, tiwala at kumpiyansa ng mga miyembro ang pangunahing puhunan para magtagumpay. Kailangan ding maging tapat at may kooperasyon ang lahat para makamit ang totoong kahulugan ng salitang kooperatiba.

Inaasahan na sa mga susunod na sesyon ay tatalakayin ang nasabing usapin lalo at ipinakiusap din ito sa ilang konsehales ng Malay habang si Sadiasa ay nagtatalumpati.

Muslim kalaboso sa buybust operation sa Boracay, isa nakatakas

Posted July 29, 2015

Ni Jay-ar M. Arante, YES FM Boracay

Kalaboso ang isang lalaki sa isinagawang buybust operation sa Sitio. Ambulong Brgy. Manoc-Manoc Boracay, Malay Aklan kaninang madaling araw.

Nahuli ang suspek na si Abulkhais Monib y Casim alyas “Abu” 41-anyos residente ng nasabing lugar ng pinagsamang pwersa ng Regional Anti Illegal Drug Special Operation Task Group sa pangunguna ni RAIDSOTG Chief PSUPT Leonardo Angcon at Police Inspector Deo Gracias Diaz III Deputy Chief ng RAIDSOTG kasama ang Boracay Tourist Assistance Center at sa pakikipag-tulungan sa Philippine Drug Enforcement Agency (PDEA) Regional Office 6.

Maliban dito nahuli din sa isinagawang Anti-illegal drug operation si Abdulazis Monib ngunit mabilis nitong natakasan ang mga otoridad.

Dahil dito nakuha ng poseur buyer sa posisyon ng suspek ang isang plastic sachet na pinaniniwalaang shabu, P2, 000 buybust money, limang elongated heat sealed plastic sachet na pinaniniwalaang ilegal na druga.

Sa ngayon pansamantalang ikinustudiya ang suspek sa Boracay PNP Station habang patuloy naman ang ginagawang manhunt operation sa nakatakas na suspek.

Samantala, itinurn-over na rin sa Aklan Police Provincial Crime Laboratory sa New, Buswang, Kalibo, Aklan ang mga nakuhang illegal na druga.

Proyekto ng Malay Water District ibinida sa SB Session ng Malay

Posted July 29, 2015

Ni Jay-ar M. Arante, YES FM Boracay

Ibinida ni Interim General Manager Rei Bernardo ng Malay Water District (MWD) ang kanilang proyekto na “Water Supply Improvement Project of Malay” sa SB Session nitong Martes.

Ito ay matapos siyang dumalo sa ika-26^th Regular Session kasama ang siyam na punong brgy. na kabilang sa naturang proyekto na kinabibilangan ng Poblacion, Balusbus, Motag, Cogon, Sambiray, Cubay Norte, Cubay Sur, Argao at Caticlan.

Ayon kay Bernardo ang kanilang ginagawang proyekto ngayon ay para ma-upgrade ang MWD, ma-improve ang water quality, ma-increase ang water supply at system pressure.

Layunin din umano ng kanilang mga proyekto ay para makamit ang 24/7 service para sa lahat ng residente sa nasabing bayan kung saan may benipisyo din umano itong 24/7 potable drinking water.

Samantala, ang natitirang umanong brgy. sa mainland Malay ang siya namang isusunod sa nasabing proyekto upang lahat ay patas na mabigyan ng suplay na tubig.

Sa kabilang banda ilang residente naman ang nagrereklamo dahil sa tuwing umaga umano ay kulay putik ang inilalabas na tubig sa kanilang gripo at hindi maganda ang amoy na talaga namang ikinais ng mga ito lalo na ang may pasok sa trabaho at paaralan.